Google ADS

Përplaset treni me një objekt në Danimarkë

16:09 | 2 Janar 2019
Arbresh.info

Një tren pasagjerësh në një urë që lidhë ishujt qendrorë të Danimarkës është përplasur me një objekt të panjohur, duke vrarë gjashtë persona e lënduar 16 të tjerë, bën të ditur policia daneze.

Operatori i hekurudhave DSB, ka thënë për TV2 të Danimarkës që viktimat janë pasagjerë të trenit që ishte nisur nga qyteti i Odense për në Kopenhagë kur ndodhi aksidenti, transmeton portali arbresh.info.

Sipas DB, 131 pasagjerë dhe tre anëtarë të ekuipazhit ishin në bord. Deri më tani kompania hekurudhore ka refuzuar të komentojë për shkaktarin e aksidentit.

Zëdhënësi i policisë Arne Gram tha se treni i udhëtarëve “goditi një objekt të panjohur”, por nuk komentoi më tej.

Ura e Madhe e Brezit, ose Storebaelt, është pjesë e urave dhe lidhjes tunel midis ishujve danezë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm